Pesquisa

Prosesu desenvolvimentu hotu-hotu tenke baseia ba dadaus no informasaun nebe baseia ba situasaun real iha base. Iha parte seluk , desenvolvimentu presisa halao tuir nesesidade komunidade nebe  presisa atu desenvolve. Ho razaun hirak ne’e  organisasaun Assist hakarak kria divisaun serbisu ida nebe sei halao ninia knar atu kolekta dadus no informasaun  nebe sei sai mata dalan ba prosesu desenvolvimentu iha rai laran, liu-liu dezenvolvimentu nebe sei halao iha area rural.

Informasaun no dadus nebe sei rekolha liu husi servisu iha divisaun pesquisa sei publica liu husi media elektronika nebe entidades hotu-hotu sei bele asesu hodi halao desenvolvimentu nebe tuir duni nesesidade.